A Red, Red Rose by Robert Burns

O my Luve’s like a red, red rose
That’s newly sprung in June;
O my Luve’s like the melodie
That’s sweetly play’d in tune.

As fair art thou, my bonnie lass,
So deep in luve am I:
And I will luve thee still, my dear,
Till a’ the seas gang dry:

Till a’ the seas gang dry, my dear,
And the rocks melt wi’ the sun:
I will luve thee still, my dear,
While the sands o’ life shall run.

And fare thee well, my only Luve
And fare thee well, a while!
And I will come again, my Luve,
Tho’ it were ten thousand mile.

More from Robert Burns:

• O Whistle an’ I’ll Come To Ye, My Lad
• Halloween
• Despondency – An Ode
• Auld Lang Syne
• A Red, Red Rose
• Highland Mary